• 生肉阔佬

    2005-08-31

    Tag:吃喝

    版权声明:转载时请以超链接形式标明文章原始出处和作者信息及本声明
    http://www.blogbus.com/bon-logs/1402865.html

    生日喔,梗系大嗮啦!收工坐302话甘快就来到番禺香江大酒店。两个人去都可以免生日一位啊,好正!我张身份证放系中山屋企,得张身份证复印件同过左期两年嘅校园卡,个靓女服务员好好人,帮我问左几次,终于可以免费,呵呵,就算唔免费啊,我都会系度吃嘎啦,唔通山长水远来到扫兴走人咩。

    鳄鱼汤鲜美清润,椰子雪蛤浓香甜润。吃左好多鲟龙鱼、三文鱼、雕鱼、虾生、象拔蚌、冻蟹。鲟龙鱼口感一般般喈,雕鱼睇落去似叉烧,吃落去唔似鱼,怪怪地,吃蟹吃到我牙软口软手都软,象拔蚌好正啊,虾生吃极都吃唔嗮,吃到后面要玩包剪锤,输个个吃,吃到惊啊,顶唔顺,吃唔落。个师傅好似想成块三文鱼俾我甘,切到成厘米厚,第一次吃甘厚嘅三文鱼,真系感动到喊(其实系wasabi好geng)!

    冇饮个度啲饮料,冇乜特别,开始个杯凉茶几正,微甜。仲饮左杯有十几朵菊花半杯水嘅菊花茶,仲阴功过饮苦茶,捞嗮啲菊花出来,继续饮,都系苦,摞命啊。

    其他熟食都冇乜点吃,太多啦,又觉得冇乜特色,平时吃饭吃到嘅一样都唔掂。赖尿虾吃左一只就唔吃,因为剥壳太嘥时间。

    好似冇吃乜嘢,但是又吃得好饱,真系好饱,从九点半坐车,十点半翻到屋企,吹水吹到十一点半,仲系好饱。

    最后埋单108,抵啦,吃左甘多海鲜。坐221翻归,仲直达家门口,好方便。下次最好早啲去,吃耐啲,因为个度九点钟就收档。定座电话84786168。

    分享到:

    历史上的今天:

    生日快乐! 2005-08-31
    今天我生日 2004-08-31

    评论

  • 有啊,生生蚝,不过我冇吃,晚上108,中午78!佢叫我趸,我叫佢急~哈哈哈
  • 有冇生蚝?生蚝刺身。。。如果有我真系想扑到去啊,我地尼边要138一位,仲要加一服务费。。。先生,我地要收加一服务费嘎~~
  • FB啊!!!又过多次生日!!!!番禺香江就来俾你地捧成生日胜地了
  • 哇哇哇